ЭРДЭМ ШИНЖИЛГЭЭ, СУРГАЛТ, ХӨГЖҮҮЛЭЛТИЙН ТӨВИЙН ҮНДСЭН ЧИГ ҮҮРЭГ:

- Байгууллагын гадаад харилцааны бодлого тодорхойлоход дэмжлэг үзүүлэх, санал санаачилга гаргах, хөтөлбөр төлөвлөгөө боловсруулж батлуулах, энэ чиглэлээр гадаад дотоодын байгууллагуудтай үр ашигтай хамтарч ажиллах, гэрээ хэлцлийн төсөл боловсруулах, гадаад улсад зохиогдох арга хэмжээ, сургалт судалгааны ажлыг нэгтгэн зохион байгуулах;

- Гадаад харилцаа, хамтын ажиллагааны чиглэлээр байгууллагын хэмжээнд авч хэрэгжүүлсэн арга хэмжээний талаарх тайлан танилцуулга, холбогдох материалыг бэлтгэн дээд шатны байгууллагад тайлагнах;

- Гадаад харилцааны чиглэлээр гаргасан, ирүүлсэн дээд газрын тогтоол, шийдвэр түүний хэрэгжилтийг хангаж, байгууллагын гүйцэтгэлийн төлөвлөгөөнд тусгагдсан гадаад харилцаа, хамтын ажиллагаатай холбоотой арга хэмжээний хэрэгжилтийг зохион байгуулах;

- Гадаад харилцаатай холбоотой баримт бичгийг орчуулж, удирдлагыг мэдээ, мэдээллээр хангах;

- Байгууллагын нэр дээр гадаад улсад урт, богино хугацааны сургалтад хамрагдаж буй албан хаагч, сонсогчдын бүртгэл судалгааг хөтөлж, тэдэнтэй харилцан ажиллах;

- Байгууллагын гадаад томилолтын үйл ажиллагааг зохион байгуулж, тайлагнах, албан хаагчдаас гадаад улсад томилолтоор ажиллах тохиолдолд холбогдох ажлыг хариуцаж, бүх талын туслалцаа дэмжлэг үзүүлэх;

- Байгууллагын үйл ажиллагаатай холбоотой олон улсын болон гадаад улсын байгууллагуудтай хамтын ажиллагаа тогтоох, бэхжүүлэх, харилцан мэдээлэл солилцох, үйл ажиллагаагаа сурталчлах, дэмжлэг авах;

- БНСУ-ЫН “КОЙКА” Олон Улсын хамтын ажиллагааны байгууллагын буцалтгүй тусламжаар хэрэгжүүлэх "Монгол Улсын Шүүхийн шинжилгээний байгууллагын чадамжийг сайжруулах төсөл", БНСУ-ын ЭКСИМ банкны хөнгөлөлттэй зээлээр хэрэгжүүлэх “Монгол Улсын Шүүхийн шинжилгээний байгууллагын хүчин чадлыг сайжруулах төсөл”-ийг хэрэгжүүлэх;

- Гадаад харилцаа, хамтын ажиллагаагаа хөгжүүлж бэхжүүлэх, төрөл бүрийн төсөл, хөтөлбөрт хамрагдаж байгууллагын материаллаг баазыг бэхжүүлэх ажлыг зохион байгуулах;

- Шинжээч, мэргэжилтнийг холбогдох их, дээд сургуульд суралцуулах, бэлтгэх ажлыг зохион байгуулах;

- Албан хаагчдын боловсролын зэргийг ахиулах сургалтын ажлыг зохион байгуулах;

- Байгууллагын хэмжээнд албаны сургалтыг зохион байгуулж, хэрэгжилт үр дүнд хяналт тавьж ажиллах;

- Албан хаагчдын дунд зохиох соён гэгээрүүлэх ажил, тэдний бие бялдрын хөгжил, соёл хүмүүжил, зан суртахууны төлөвшил, дүрэмч ажиллагааг хөгжүүлэхэд чиглэсэн арга хэмжээг удирдан зохион байгуулах, нэгжүүдийн үйл ажиллагааг үнэлж дүгнэх;

- Албан хаагчдын дунд биеийн тамир, спортыг сурталчлан таниулах, хөдөлгөөний дутагдлаас урьдчилан сэргийлэх, хамт олны идэвх оролцоог нэмэгдүүлэх, чөлөөт цагийг зөв боловсон өнгөрүүлэх, хамт олны таатай уур амьсгал, эв нэгдлийг бүрдүүлэх арга хэмжээ зохион байгуулах;

- Албан хаагчдын мэдлэгийн түвшинд хяналт тавих, аттестатчиллыг зохион байгуулж явуулах;

- Шүүх шинжилгээний орчин үеийн техник хэрэгсэл, тоног төхөөрөмжийн судалгаа хийж, байгууллагын үйл ажиллагаанд нэвтрүүлэх;

- Шинжлэх ухааны бусад салбарт ашигладаг судалгаа шинжилгээний ерөнхий болон тусгай арга зүйн хүрээнд туршилт судалгаа хийж, шүүх шинжилгээнд шинэ арга зүй нэвтрүүлэх;

- Шүүх шинжилгээгээр шийдвэрлэх асуудлын хүрээг тодорхойлох судалгааг жил тутам хийж, шүүх шинжилгээнд шинэ төрлийн шинжилгээ нэвтрүүлэх;

- Шинжээчийн үйл ажиллагаа эрхлэх зөвшөөрөл олгох үйл ажиллагаанд дэмжлэг үзүүлэх;

- Шүүх шинжилгээний төв байгууллагын дэргэдэх орон тооны бус эрдмийн зөвлөлийн үйл ажиллагааг зохион байгуулах;

- Шүүх шинжилгээний чиглэлээр эрдэм шинжилгээ, судалгааны ажлыг тогтмол зохион байгуулж, алба хаагчдыг мэргэжил арга зүйн зөвлөгөөгөөр хангах;

- Шүүх шинжилгээний чиглэлээр дотоодын болон гадаадын эрдэм шинжилгээний байгууллагуудтай хамтран ажиллаж, хурал, чуулган зохион байгуулах;

- Магадлан итгэмжлэл, стандарт нэвтрүүлэх ажлыг зохион байгуулах;

- Нийцлэлийн аудит, чанарын баталгаажуулалттай холбоотой ажил, арга хэмжээг зохион байгуулах, хяналт тавих.

- Шинжлэн магадлахуйн инновацын үйл ажиллагааг тогтмол зохион байгуулах, үр дүнг практикт нэвтрүүлэх, хэрэгжүүлэх.